Сайтка кириу

Жаназаны мабаға айландырмайық!

20180208_114614220180208_1555342

Динимиз тәлийматы бойынша бир адам қайтыс болса, ол жерде үш күнге шекем аўқат писирилмеўи керек. Ал, бүгинги күнимизде аза болған үйде үш күнлеп қазан асылады, өли менен ҳеш кимниӊ иси жоқ, жаназа күни қарамал сойылып, ҳәмме келгенлерге аўқат бериў, қонық жайларына жайғастырыў, қуда тамырларға жанлық мал яки шеке бериў уқсаған ислер менен бәнт. Өли бул ақыретлик ис болғаны ушын оныӊ ҳүрметин өз орнына қойып, мойынымыздағы парызымызды орынлаўымыз керек. Мүсийбетти зыяпатқа айландырыў мусылманшылық түўе инсаныйлыққа да туўры келмейди.

Пайғамбарымыз саллаллаҳу алайҳи ўасалламнан рәўият етилген ҳәдисте: «Марҳумды ҳүрметлеў оны тез жерлеў менен болады» деген, екинши бир ҳәдистиӊ түсинигинде «Тирилер не нәрседен азар шегетуғын болса, өлилер де сол нәрселерден азар шегеди» делинген.

Мәйитти бир неше күн қондырыў шәриятта қадаған болыўы менен бир қатарда медициналық ҳәм психологиялық жақтан унамсыз ақыбетлерге алып келеди. Мәйитти бир неше күнлеп саклаў нәтийжесинде мәйит жаткан ханаға оныӊ ийиси сиӊип қалып кейин ала көп ўақытқа шекем кетпей турады. Буннан базылар сескенип, шоршынады. Усыныӊ ақыбетинде психологиялық кеселликлер келип шығады.

Жоқарыда айтып өтилген динимизге қайшы болған ислер ҳаққында Өзбекистан мусылманлары басқармасыныӊ пәтўасы (Фатво) шыққан. Усы пәтўадағы (Фатво) көрсетпелер бойынша Қоӊырат районы ҳәкимлиги, «Ҳәким Сулайман» жомъе мешити, «Нураный» қоры, «Маҳалла» фонды ҳәм басқада жәмийетлик шөлкемлер ўәкиллери қатнасыўында Муқаддес Ислам динимиздиӊ тазалығын сақлаған ҳалда үгит-нәсият жумыслары алып барылмақта.