Сайтка кириу

Халық депутатлары Қоңырат районлық Кеңеси депутаты Адилбай Нуруллаев «Гулабад» сайлаў округиндеги ҳаял-қызларды 8-март «Халықара ҳаял-қызлар байрамы» менен қутлықлап оларға байрам саўғаларын тапсырды.

2019-жыл 6-март күни Халық депутатлары Қоңырат районлық Кеңеси депутаты Адилбай Нуруллаев Қоңырат районы «Гулабад» мәҳалла пухаралар жыйыны турғынлары менен ушрасыў өткерди. Ушрасыўға Өзбекстан ХДП Қоңырат районлық Кеңеси жуўаплы хызметкерлери, «Гулабад» МПЖ ақсақалы ҳәм жуўаплы хызметкерлери, көше бийлери қатнасты.
Ушырасыўда депутат сайлаўшыларына усы күнге шекемги ислеген жумыслары ҳаққында есабат берди ҳәм бәрше ҳаял-қызларды 8-март «Халықара ҳаял-қызлар байрамы» менен қутлықлап оларға байрам саўғаларын тапсырды. Сайлаўшылар депутаттың алып барып атырған жумысларынан кеўллери тоқ екенликлерин ҳәм өз миннетдершылықларын билдирди.
Ушырасыўды жуўмақлап халық депутаты, «Нураний» қоры районлық бөлими баслығы Адилбай Нуруллев ҳәм Өзбекстан ХДП Қоңырат районлық Кеңеси жуўаплы хызметкерлери менен биргеликте уй-уйме кирип, мәҳалла аймағындағы белсенди, нураний апаларымыз ҳәм 103 жасқа шыққан Заляева Бария нураний апамыз, жәми 13 ҳаял-қызлар ҳал-аҳуалларынан хабар алып, оларға байрам саўғаларын тапсырды. Нураний апаларымыз буннан жүдә қуўанышлы болып, елимиз тынышлығы, пәраўанлығы ушын ҳәм усындай қайырқомлиқ иләжлар даўам етиўин тилеп өз дуўаларын берди._